Humbi kontrollin e motorit dhe doli nga rruga, vdes 35-vjeçari në autostradën Fier-Lushnjë

Një 35-vjeçar ka humbur jetën në një aksident të ndodhur në autostradën Fier-Lushnjë, në vendin e quajtur Vajkan.

Sipas burimeve policore, i riu po udhëtonte me motor kur ka humbur kontrollin e mjetit dhe ka dalë nga rruga. Për pasojë ai ka ndërruar jetë në vendngjarje.

Menjëherë pas aksidentit në zonë kanë mbërritur shërbimet e policisë dhe grupi hetimor, të cilët po punojnë për të përcaktuar shkaqet dhe rrethanat e plota të ngjarjes.