Grabitja e dosjeve të pronave në Dhërmi, arrestohen 3 persona në Vlorë

Policia e Vlorës ka arrestuar 3 persona, të dyshuar si të përfshirë në grabitjen e zyrat e pronave të këshillit të qarkut Vlorë 3 ditë më parë. Identiteti i tre personave nuk bëhet ende i ditur. Po ashtu akoma nuk ka informacion nëse këta persona ishin përgjegjës për zyrat, apo persona të jashtëm që ndihmuan në grabitje.

Tre ditë më parë, një person i maskuar dhe i armatosur hyri në zyrat e pronave në Vlorë, duke marrë dy dosje për pronat në Dhërmi. I gjithë aksioni i grabitësit nuk zgjati më shumë se 3 minuta, ndërsa ka dyshime se ai kishte dijeni mbi dosjen që do të merrte. /shqiptarja