EMRI/ Të shtëna me armë zjarri në Durrës, plagoset një person

Të shtëna me armë zjarri janë regjistruar mbrëmjen e kësaj të enjte në qytetin e Durrësit, ku për pasojë ka mbetur i plagosur një person.

Ngjarja ka ndodhur në zonën e Fllakës. Burime bëjnë me dije se i plagosur ka mbetur shtetasi i identifikuar si Isak Vata. Ky i fundit është transportuar me urgjencë në spital për të marrë ndihmë mjekësore.

Ende nuk dihet rrethanat e ngjarjes se si ka ndodhur plagosja dhe se kush mund të jetë autori. Policia ka nisur hetimet për të zbardhur dinamikën.