E rëndë/ Vritet me armë zjarri 41-vjeçari shqiptar në Greqi

Një 41-vjeçar me origjinë shqiptare është vrarë pasditen e kësaj të enjte me armë zjarri në një vresht në zonën rurale të Rafinës në Greqi.

Sipas informacioneve të para për mediat greke, para se të jepte frymën e fundit 41-vjeçari telefonoi bashkëshorten e tij, të cilës i zbuloi emrin e autorit që e qëlloi me armë zjarri.

Siç raporton protothema.gr viktima është emër i njohur për policinë greke, për shkak të përfshirjes së tij në disa vepra penale.

Ndërkohë mësohet se autori i dyshuar i krimit është gjithashtu me origjinë shqiptare dhe i njohur për autoritetet për përfshirje në raste droge.