E rëndë/ U godit nga rryma elektrike, humb jetën 24-vjeçari në portin e Durrësit (Emri)

Një incident fatal është regjistruar pak më parë në portin e Durrësit, ku një 24-vjeçar ka humbur jetën pasi u godit nga rryma elektrike gjatë punimeve në bord.

Viktima është Avaz Yafarov, 24 vjeç, me nacionalitet nga Azerbaijani dhe pjesë e ekuipazhit të anijes “Kyebele”.

Durrës / Informacion paraprak:

Rreth orës 17:50, është transportuar për në urgjencën e Spitalit Durrës, por ka ndërruar jetë rrugës, shtetasi nga Azerbajxhani, J. A., 24 vjeç, marinar në një anije me flamur të shtetit të Panamasë.

24-vjeçari, duke punuar në anije, dyshohet se ka rënë në kontakt me energjinë elektrike.

Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.

Anija ishte e akostuar në kalatën nr. 2 dhe po shkarkonte ngarkesën me grurë. Ndihma e dhënë menjëherë nga ekuipazhi dhe shërbimet portuale nuk arriti ta shpëtonte.