Dy vajza marrin peng 27-vjeçarin ne Tiranë, e dhunuan për para, në kërkim bashkëpunëtori

Dy vajza u vunë në pranga M. M., 21 vjeçe dhe S. C., 25 vjeçe. pasi morën peng një 27-vjeçar, duke e dhunuar fizikisht atë, në ambientet e një apartamenti, për t’i marrë para.

Nga hetimet dyshohet se këto 2 shtetase dhe shtetasi në kërkim K. N., kanë bashkëpunuar me njëri-tjetrin.

NJOFTIMI I POLICISË

Tiranë/Vijon operacioni policor i koduar “Kufizimi”.

Vihen në pranga 2 shtetase të shpallura në kërkim 3 ditë më parë, në kuadër të këtij operacioni.

Në vijim të operacionit policor të koduar “Kufizimi”, i zhvilluar 3 ditë më parë nga Sektori për Hetimin e Krimeve të Rënda, në bashkëpunim me Forcën e Posaçme Operacionale, si rezultat i të cilit u vunë në pranga 3 shtetas, janë kryer kontrolle për kapjen e shtetasve të shpallur në kërkim.

Si rezultat, u vunë në pranga shtetaset M. M., 21 vjeçe dhe S. C., 25 vjeçe.

Nga hetimet dyshohet se këto 2 shtetase, 2 shtetasit e arrestuar gjatë operacionit dhe shtetasi në kërkim K. N., kanë bashkëpunuar me njëri-tjetrin, për t’i marrë para, 27-vjeçarit, duke i hequr lirinë, për disa orë, dhe duke e dhunuar fizikisht atë, në ambientet e një apartamenti.

Punohet për kapjen e shtetasit K. N.

Materialet proceduriale do t’i kalojnë Prokurosisë, për veprime të mëtejshme.