Djathi “Erzeni” i mykur në supermarketin “Xhangolli”, AKU fle gjumë

Një denoncim është publikuar së fundmi në lidhje me produktet e bulmetit të kompanisë “Erzeni” të shitura në supermarketin “Xhangolli”.

Sipas një qytetari, djathi i dhisë “Erzeni”, i cili kishte afat skadence deri më 17 prill ishte i prishur dhe me shenja të dukshme myku, edhe pse jemi ende në muajin shkurt.

Qytetari shprehet se ky rast është i papranueshëm dhe ngre shqetësime serioze për sigurinë ushqimore dhe kontrollin e cilësisë së produkteve të qumështit në tregjet lokale, ndërsa deri më tani nga ana e AKU-së, (Autoriteti Kombëtar i Ushqimit), nuk ka asnjë reagim.

Ai kërkon që autoritetet kompetente të ndërhyjnë dhe të kryejnë inspektime për të parandaluar rreziqe të ngjashme për konsumatorët.

Ndërkohë kjo nuk është hera e parë që AKU nuk tregon përgjegjshmëri për kontrollet që i ka për detyrë ti kryejë, por reagon vetëm pasi skandali është publikuar në media. /Shqip.com