Detajet/ Shpejtësia shkaktoi përplasjen e 3 mjeteve në Fushë- Krujë, i plagosur edhe një foshnje

Detaje të reja janë zbuluar nga aksidenti që ndodhi mëngjesin e sotëm në aksin Fushë Krujë- Tiranë. Mësohet se janë tre të plagosur, dy gra edhe një foshnjë. Mësohet se shkak i aksidentit është bërë shpejtësia e mjetit “Benz”, duke bërë që ai të godasë nga pas mjetin “Opel”, ku udhëtonte familja Doçi.

Mësohet se njëra nga gratë e plagosura ka ndenjur e shtrirë për më shumë se gjysmë ore, duke pritur ambulancën nga Kruja, pasi Fushë Kruja ka vetëm një autoambulancë, e cila ka dërguar te Trauma foshnjën.

Të plagosurit janë dërguar në Tiranë dhe gjendja e tyre nuk dihet.