Bie në 92% mbulesa vaksinale për fruth, fëmijët të rrezikuar

Fruthi regjistron 18 të infektuar brenda një viti. Specialsitët e ISHP thonë se shkak është bërë mosvaksinimi I fëmijëve.

Ulja e mbulesës vaksinale kundër fruthit po shfaq herë pas here raste sporadike të sëmundjes. Ekspertët e ISHP thonë së aktualisht 92% e fëmijëve janë të vaksinuar me dy dozat e vaksinës, ndëra rekomandimet e OBSH janë që kjo shifër të jetë mbi 95% për të siguruar mbrojtje maksimale për fëmmijët.

Shefja e programit kombëtare të vaksinimit, Rovena Daja u shpreh se problem mbetet doza e parë e vaksinimit.

“Prej disa vitesh, ekspertët vërejnë se probleme mbetet aplikimi I dozës së parë të vaksinës, e cila duhet bërë kur fëmija bën 1 vjec por shpesh prindërit e shtyjnë në kohë, duke I vënë të vegjlit e tyre në rrezik’ tha ajo.

Daja shtoi se rasti i fundit po merr ndihmë mjekësore në QSUNT.

“Rasti i fundit I identifikuar me fruth është një fëmijë 3 vjec, I cili po merr shërbim mjeksor në spitalin e pediatrisë në QSUNT. Fëmija nuk frekuentonte cerdhen dhe kjo ka bërë sipas eskpertëve që të mos ketë raste të tjera të infektuara”, shtoi ajo./euronews