Aksidenti në Tiranë ku humbi këmbën 25-vjecarja, gjykata lë në burg Jehon Brecanin

TIRANË
Gjykata e Tiranës ka caktuar masën e sigurisë “arrest me burg” për Jehon Brecanin, djalin e ish-drejtorit të Policisë së Tiranës, Erzen Breçani.

19-vjeçari Jehon Breçani aksidentoi pak ditë më parë në Tiranë 23-vjeçaren Xhenisa Gega, e cila fatkeqësisht humbi njërën këmbë, ndërsa ndodhet ende në spital.

Mësohet se masa e sigurisë Breçanit i është komunikuar në spital, për shkak të problemeve shëndetësore, që ai ka pasur nga përplasja.

Prokuroria tha se Breçani është autori i aksidentit të ndodhur në rrugën “Xhanfize Keko” në zonën e Kinostudios në Tiranë, ku i këputi këmbën 24-vjeçares, Xhesina Gega e cila ishte duke ecur në trotuar, kur adoleshenti 19-vjeçar e përplasi me shpejtësi me “Benz”-in luksoz AA 888 XX.