Aksident në zonën e plazhit në Vlorë, plagoset i riu

Një i ri eshte plagosur mbrëmjen e sotme në Vlorë pasi motori me të cilin po udhëtonte u përplas me një makinë "Smart" me targa italiane CS 051 MC.

Ngjarja ndodhi në plazhin e vjetër, ndërsa makina mësohet se drejtohej nga një grua.

I plagosuri është nisur drejt spitalit rajonal për ndihmë mjekësore, në gjendje të rëndë për jetën.

Policia e mbërritur në vendin e ngjarjes ka nisur hetimet për rrethanat dhe shkaqet e aksidentit.

Njoftimi i policise: Vlorë/Informacion paraprak

Rreth orës 20:26, në rrugën “Gjergj Kastrioti”, një mjet tip “Smart” me drejtuese shtetasen F. F, është perplasur me motomjetin tip “Lifan” me drejtues shtetasin A. S.

Si pasojë e aksidentit, janë dëmtuar të dy drejtuesit e mjeteve, të cilët ndodhen në spitalin e Vlorës nën kujdesin e mjekëve. 

Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.