Aksident në aksin Fushë Krujë – Thumanë, plagosen rëndë katër persona, transportohen drejt Trumës

Një aksident i rëndë ka ndodhur në aksin Fushë Krujë – Thumanë, në afërsi të fshatit Derven.

Dy automjete, një Mitsubishi me targa italiane, e cila drejtohej nga shtetasja M.L., dhe një Opel, i cili drejtohej nga N.P., janë përplasur dhe për pasojë katër persona janë plagosur rëndë.

Paraprakisht, dyshohet që shkak i aksidentit ka qenë ndërprerja e rrugës në mënyrë të gabuar nga ana e shoferit të Opel-it, por edhe shpejtësia e madhe me të cilën udhëtonte Mitsubishi. Të plagosurit janë dërguar në Spitalin e Traumës në Tiranë.

Të plagosurit janë dërguar në Spitalin e Traumës në Tiranë.

"Krujë/Informacion paraprak

Më datë 27.01.2025, rreth orës 07:20, në fshatin Derven, Fushë-Krujë, automjeti me drejtuese shtetasen M. L., është përplasur me automjetin me drejtues shtetasin N. P.

Si pasojë e përplasjes është dëmtuar drejtuesi i njërit prej automjeteve shtetasi N. P, dhe 2 pasagjerët që udhëtonin me automjetin e shtetasit N.P, të cilët ndodhen në spital, jashtë rrezikut për jetën.

Grupi hetimor po punon për sqarimin e rrethanave dhe shkakut të aksidentit."