A do sekuestrohet avioni i Ermal Beqirajt? Kreu i SPAK, Braho: Kemi kërkuar të gjitha pasuritë e tij, nuk është vetëm avioni...

Kreu i SPAK, Klodian Braho, ka deklaruar se procesi për sekuestrimin e pasurive të Ermal Beqirajt në Francë është në zhvillim e sipër.

I pyetur nga gazetaret nëse është kërkuar sekuestrimi i avionit që drejtohej nga Beqiraj, për të cilin është raportuar se ishte në pronësi të tij, Braho tha se kërkesa lidhet me të gjitha pasuritë që posedon personi nën hetim në atë shtet.

“Është një proces në zhvillim e sipër. Njoftimi do të dalë së shpejti. Kemi kërkuar të sekuestrohet çdo pasuri që posedon personi në fjalë në këtë shtet. Nuk ka thjesht avionë, por ka edhe pasuri të tjera”, u shpreh Braho.

Beqiraj u arrestua në Francë pas një kërkese ndërkombëtare të SPAK për dosjen “AKSHI”. Ai akuzohet për disa vepra penale, ndërsa autoritetet shqiptare kanë nisur procedurat për ekstradimin e tij.