70 orë para zgjedhjeve, nis shpërndarja e materialeve zgjedhore për 25 prillin

Kur kanë mbetur 3 ditë nga mbajtja e zgjedhjeve të 25 prillit, mëngjesin e sotëm, 22 prill 2021 ka nisur shpërndarja e materialeve zgjedhore në të gjitha KZAZ-të e vendit.

KQZ ka nisur shpërndarjen e materialeve zgjedhore në 92 KZAZ të vendit.

Pamjet në video vijnë nga Rezervat e Shtetit, aty ku ndodhen të gjitha materialet zgjedhore të cilat do të shpërndahen në masa të rrepta sigurie vetëm 70 orë para zgjedhjeve.

Në masa të rreprta sigurie do të bëhet dhe pritja e materialeve në çdo KZAZ dhe Qendër Votimi.

Ndërkohë ky është shablloni i fletës së votimit për personat e  verbër.