Përplasje brenda Qeverisë për dorëheqjet e drejtorëve, Rama i anulon urdhrin Bardhit: Drejtoj unë

Kryeministri Edi Rama anulon urdhin që ministrit të Drejtësisë dhe deklaron: Dorëheqjet nuk mund të refuzohen.

Një vendim i tillë erdhi pak orë pas ministri Gazment Bardhi bëri publik vendimin e ndërmjetëm për pezullimin e procedurave të miratimit të dorëheqjes së 14 regjistruesve të ZVRPP-ve.

Me anë te një njoftimi zyra e Kryeministrit informon se shefi i qeverisë e ka anuluar urdhrin e ministrit Gazment Bardhit , “duke bërë të qartë se dorëheqjet nuk mund të refuzohen”

Kryeministria thotë se hetimi administrativ i Ministrit mund të vazhdojë pa asnjë pengesë. “Nëse nga hetimi administrativ do të verifikohen shkelje të ligjit, regjistruesit që i kanë bërë këto shkelje duhet të shkojnë përpara drejtësisë’

Në njoftim kreu i qeverisë i kujton Bardhit se asnjë ministër, qoftë politik a teknik qoftë në ikje a në ndenje, nuk mund ta shkele këtë Kod.

“Qeveria shqiptare ka një Kod Sjelljeje, të miratuar me VKM, qysh në mbledhjen e saj të parë dhe asnjë ministër, qoftë politik a teknik, qoftë në ikje a në ndenje, nuk mund ta shkele këtë Kod, i cili përcakton qartë se qeveria nuk është një grup individësh që veprojnë në kokën e tyre, po një skuadër që drejtohet nga Kryeministri dhe funksionon mbi bazën e parimit të thjeshtë të aprovimit paraprak nga Kryeministri, të veprimeve administrative apo komunikimeve të ministrave me publikun.”