Skualifikohet Peruja dhe Kolumbia, finalja e “frikshme” e Kupës së Amerikës mes Brazilit dhe Argjentinës

Ditën e djeshme u luajtën ndeshjet e gjysmëfinales në kuadër të Kupës së Amerikës. Brazili mundi dje Perunë me një gol të shënuar nga Lucas Paqueta, duke u kualifikuar në finalen. Brazili do përballet me Argjentinën. Bardhekaltërit arritën të skualifikojnë Kolumbinë me penallti, pasi ndeshja përfundoi 1-1.

Lautaro Martinez kaloi në avantazh argjentinasit që në minutën e shtatë, ndërkohë që Kolumbia barazoi në pjesën e dytë, me anë të Luis Diaz (61’). Nga pika e bardhë gabuan Sanchez, Mina dhe Cardona, duke lejuar Argjentinën që në 11 korrik të luajë për trofeun ndaj rivalëve të përjetshëm, Brazilit.