Rojet e sigurisë ngatërrojnë Bonuçin me tifozin, ja çfarë ndodhi gjatë festës së kualifikimit (Video)

Italia u kualifikua në finalen e Euro2020 dhe kjo ka ngritur në këmbë tifozët dhe lojtarët. Mbrojtësi juventin, Leonardo Bonuçi u përball me një situatë të sikletshme. Punonjësit e sigurisë së stadiumit e ngatërruan futbollistin italian me një tifoz.

Gjithë kjo ndodhi teksa ai festonte nga afër me tifozët në Wembley. Kur bëri të kthehej sërish te shokët e skuadrës, një punonjëse sigurie e ndaloi dhe i kërkoi të kthehej te vendi i tij në shkallët e stadiumit, duke menduar se juventini ishte një tifoz që u fut në fushë.

Habia në fytyrën e Bonuçit u duk qartë, ndërsa në rrjetet sociale dikush shkroi: “Për fat të mirë të punonjëses, ishte Bonuçi dhe jo Chiellini”.