Qëlluan me thikë 35-vjeçarin, përfundojnë në burg dy persona në Kavajë

Policia e Kavajës ka arrestuar dy shtetas, përkatësisht 39 dhe 37-vjeç, pasi qëlluan me thikë një shtetas tjetër. Ky i fundit sipas policisë, është nën kujdesin e mjekëve.

“Nga specialistët për Hetimin e Krimit në Komisariatin e Policisë Kavajë u bë arrestimi në flagrancë i shtetasve S. D., 39 vjeç dhe Sh. P., 37 vjeç, pasi mbrëmjen e djeshme, në lagjen nr. 4 Kavajë, kanë goditur për motive të dobëta, me mjet prerës (thikë), shtetasin K. L., 35 vjeç, i cili ndodhet në spital, nën kujdesin e mjekëve”, njofton policia.