U braktis nga prindërit se ishte albine, njihuni me modelen 16-vjeçare të “Vogue” (Foto)

Njihuni me Xuel, 16-vjeçarja e cila u braktis nga familja e saj, sepse është albine. Vajza nga Kina, kishte këtë fat pasi në vendin e saj, albinizmi shihet si një mallkim. Ndërkohë që “Vogue” e ka parë si një mrekulli. Ajo tashmë është modele për këtë revistë, duke thyer rekorde.

Teksa ka prekur majat, e mitura tregon historinë e trishtë të jetës së saj.  “Stafi në jetimore më vuri emrin Xue Li. Xue do të thotë borë dhe Li do të thotë e bukur. Unë u birësova kur isha tre vjeç dhe shkova të jetoja me nënën dhe motrën time në Holandë.

Në kohën kur unë linda në Kinë, qeveria zbatoi një politikë me një fëmijë mbi familjet. Disa fëmijë, si unë, u braktisën, të tjerët rrini të mbyllur ose nëse shkonin në shkollë pasi lyenin flokët.
Por, në disa vende në Afrikë, atyre mund t’u priten gjymtyrët ose të vriten. Mjekët magjistarë përdorin kockat e tyre për të bërë ilaçe pasi njerëzit besojnë se këto mund të shërojnë sëmundje por sigurisht që kjo nuk është e vërtetë, këto besime janë mite. Jam me fat që vetëm u braktisa.

Prindërit biologjikë nuk kanë lanë asnjë informacion për mua, kështu që nuk e di kur është ditëlindja ime. Por, bëra një radiografi të dorës për të marrë një ide më të saktë të moshës dhe mjekët menduan se 15 është data më e saktë”, tha ajo.

Gjithashtu ajo tregoi se ka 5 vite në këtë fushë. “ Një nga fotot që një agjenci shkrepi për mua u shfaq në edicionin e Vogue Italia, në qershor 2019 me Lana del Rey në kopertinë. Në atë kohë, nuk e dija se sa revistë e rëndësishme ishte dhe më duhej pak kohë për të kuptuar pse njerëzit u entuziazmuan kaq shumë. Në modelim, të dukesh ndryshe është një bekim jo një mallkim dhe më jep një hapësirë për të rritur ndërgjegjësimin për albinizmin. Modelet me albinizëm shpesh stereotipizohen dhe përdoren për të simbolizuar engjëjt ose fantazmat dhe kjo më trishton. Sidomos nëse përjetëson ato besime që rrezikojnë jetën e fëmijëve me albinizëm në vende të tilla si Tanzania dhe Malavi”, tha ajo.