Këngëtarja dhe reperi i njohur shqiptar bëhen prindër për herë të parë

Këngëtarja e dashur për publikun shqiptar, Arta Hajra, dhe partneri i saj, reperi i njohur Ardit Kantarxhiu, i njohur si Arday, kanë hyrë në një kapitull të ri të jetës së tyre duke u bërë prindër për herë të parë.

Lajmin e bukur për ardhjen në jetë të djalit të tyre ata e ndanë me ndjekësit në rrjetet sociale, ku postuan edhe disa fotografi të vogëlushit, duke i dhënë një pamje të ngrohtë dhe personale kësaj ngjarjeje të rëndësishme.

“Mirëseerdhe në jetë, djali jonë i vogël! T’rujt Zoti i madh!”, shkroi Ardit në postimin e tij, duke konfirmuar kështu edhe zyrtarisht lajmin e pritshëm me padurim nga fansat e tyre.

Arta dhe Arday janë tashmë një çift i konsoliduar në skenën muzikore shqiptare, tani po përjetojnë një ndryshim thelbësor personal, duke nisur rrugëtimin e prindërimit me të gjitha sfidat dhe gëzimet që sjell një jetë e re.

Ndjekësit e tyre kanë reaguar menjëherë me urime dhe mesazhe mbështetëse, duke i uruar çiftit një jetë të gjatë, të lumtur dhe plot bekime familjare.