E rende/ Tan Gjyla nga Lushnja qëllon me çekan për vdekje kafshën e gjorë, videon e hedh në Tik Tok

Në Shqipëri vijon ende dhuna dhe keqtrajtimi ndaj kafshëve.

Ndonëse një fenomen shqetësues në vendin tonë, deri tani asgjë nuk ka ndryshuar sa i përket ligjit për dhunuesit e kafshëve.

Së fundmi, një qytetar ka dërguar një video që ka parë në Tik Tok, aty ku një person dhunon me sende të forta një mushkë.

Kafsha e gjorë qëllohet në kokë dhe më pas ajo dergjet në tokë dhe ngordh, pas dhunës barbare e makabre të personit dhunues.

Pamjet që të prekin në zemër të dhunës së mushkës me një çekan nga personi që shihni në foto, i identifikuar si Tan Gjyla, nga Lushnja janë postuar nga vetë ai, në rrjetin e tij social Tik Tok.

Pamjet janë vërtetë të rënda dhe dëshmojnë për keqtrajtimin e kafshës së gjorë.

Tashmë u mbetet autoriteteve përkatëse të reagojnë për raste të tilla, pasi ky fenomen po kthehet në diçka të zakonshme