Rama kthehet sot nga SHBA-të/ Mban konferencë në Rinas, do të flasë për arrestin e Vlora Hysenit?

Kryeministri Edi Rama pritet t’u drejtohet shqiptarëve me një mesazh të posaçëm pas kthimit nga vizita në Shtetet e Bashkuara.

 Përmes një njoftimi për mediat mbrëmë u bë me dije se Rama do të flasë nga salla e shtypit në Aeroportin “Nënë Tereza”, sapo të mbërrijë në Shqipëri.

Megjithatë, ende nuk është përcaktuar ora e saktë e mbërritjes së kryeministrit, pasi nisja nga aeroporti JFK i New York-ut mbetet e pakonfirmuar për shkak të kushteve të këqija atmosferike.

 Sipas njoftimit, orari i adresimit të Ramës do të bëhet publik gjatë paradites së sotme.

 Mesazhi i kryeministrit vjen pas vizitës së tij në Shtetet e Bashkuara, në një kohë kur në Tiranë vijojnë protestat kundër qeverisë dhe Rama përballet me kërkesat e protestuesve për dorëheqje.

Kreu i qeverisë pritet të flasë për skandalin në SHISH, ku u arrestua drejtuesja e institucionit, Vlora Hyseni.