Zgjedhjet në vend, votojnë ministret Anila Denaj dhe Ogerta Manastirliu

Kanë votuar edhe dy minister e qeverisë Rama, përkatësisht ministrja e Shëndetësisë, Ogerta Manastirliu dhe ministrja e Financave dhe e Ekonomisë, Anila Denaj.

Mësohet se Manastirliu, në krah të bashkëshortit, voi në qendrën e votimit në shkollën 9-vjeçare “Jeronim Derada”. Pas përfundimit të votimit, për mediat ajo tha se sot do dëgjohet zëri i qytetarëve.

 “Sot është dita kur duhet të dëgjohet fort zëri i qytetarëve. Sepse vota e tyre, nuk do të përcaktojë thjesht qeverinë e 4 viteve të ardhshme. Mbi të gjitha, vendimi që do të marrë sovrani sot në kutitë e votimit, do të përcaktojë drejtimin që do të marrë Shqipëria jonë në dekadat që do të vijnë. Jam e bindur se qytetarët shqiptarë do ta bëjnë me qetësi dhe mençuri zgjedhjen e të ardhmes së vendit ku duam të rrisim fëmijët tanë”, tha ajo.

Denaj, njëkohësisht  kandidate për deputete në Qarkun e Vlorës, votoi në shkollën “Kosova” në Tiranë, e shoqëruar edhe nga bashkëshorti i saj.