Sot Kuvend, Rama porosi deputetëve: Mos u provokoni nga opozita

Sot do të zhvillohet seanca e dytë e Kuvendit të Shqipërisë, ku do të zgjidhen drejtuesit e komisioneve parlamentare.

Kryeministri Edi Rama përpara nisjes së seancës ka udhëzuar deputetët e grupit të tij që të mos replikojnë me opozitën.

“Mos u merrni me opozitën. Mos u provokoni dhe mos replikoni. Kini korrektesë në orar dhe mbroni vetëm projektligjet që janë në seancë” ishin disa nga porositë e kreut të socialistëve.

“Fokusohuni tek puna. Mbani marrëdhënie me njerëzit dhe vazhdoni takime në terren. Ne nuk kemi punë me ata” tha më tej Rama, referuar opozitës.