I shpalli luftë Bashës dhe Ramës, Sali Berisha mbërrin në Kuvend

Ish-kryeministri Sali Berisha tashmë i përjashtuar nga Partia Demokratike, ka mbërritur në Kuvendin e Shqipërisë.
Ndërkohë Basha ka bërë lëvizjen e radhës brenda PD-së, duke huazuar disa deputetë aleatëve të tij, Shpëtim Idrizit dhe Fatmir Mediut.

Opozita do të ketë tre grupe parlamentare në këtë legjislaturë të Kuvendit të Shqipërisë. Përpos PD-së grup parlamentar do të kenë edhe Partia Republikane e Fatmir Mediut dhe PDIU, e drejtuar nga Shpëtim Idrizi.

Për të formuar një grup parlamentar një forcë politike duhet të ketë shtatë deputetë. Dy aleatët e PD-së nuk e kanë numrin magjik dhe për të plotësuar kushtin Lulzim Basha ka pranuar që t’u japë “borxh” deputetë PR-së dhe PDIU-së.
Lëvizja Socialiste për Integrim e drejtuar nga Monika Kryemadhi nuk arriti që të formonte grup, pasi mori vetëm 4 deputetë në 25 prill.