Shpërthimi me tritol shkatërroi banesën e Preng Pjetri, deputetja Metaliaj lëshon deklaratën

Tritoli i vënë paraditen e kësaj të hënë në banesën e deputetit Preng Pjetri, ka reaguar menjëherë deputetja e PD në qarkun Lezhë, Lindita Metaliaj, duke dyshuar se mund te jetë bërë për hakmarrje politike.

Në profilin e saj në rrjetin social ‘Facebook’ ka publikuar videon e banesës së Pjetrit teksa shihet se pjesa më e madhe e banesës është dëmtuar.

Postimi i plotë:

"Një shpërthim me eksploziv rreth orës 2 pas mesnatës, ka dëmtuar keqas shtëpinë e Preng Ndue Pjetrit, kryetar i PD në fshatin Ungrej. Z. Pjetri ka qenë në banesë me bashkëshorten dhe nënën e moshuar kur ka ndodhur shpërthimi.

Zbardhet vendimi i fundit i Qeverisë për lumin Vjosa

Akti terrorist i mesnatës të bën të dyshosh për pistën e hakmarrjes politike. Takimi entuziast në Lezhë i kryetarit të PD Sali Berisha në prezantimin e kandidatit për kryetar bashkie, Pashk Gjoni, ku ka marrë pjesë edhe kryetari i seksionit Ungrej Pjetri, me shumë bashkëfshatarë, ka angazhuar me sulme verbale shumë patronazhistë e aktivistë të Rilindjes dhe të emëruarit 6 % në krye të bashkisë Lezhë. Dhuna verbale pasohet gjithmonë nga dhuna materiale.

Ndërkohë që nuk duam të arrijmë në përfundime, i bëjmë thirrje Policisë dhe strukturave ligjzbatuese të bëjnë punën e tyre, të hetojnë dhe të çojnë pas hekurave si dorasët ashtu dhe porositësit e këtij akti terrorist.

Dalin në skenë dy emrat e njohur që do të sfidojnë Belind Këlliçin në Tiranë për zgjedhjet vendore, ja “kurthi” i Alibeajt për Sali Berishën

E dënojmë burracakërinë e vendosjes së eksplozivit në shtëpinë e z. Pjetri, një akt kundër ligjeve të shtetit dhe Kanunit të maleve. Demokratëve dhe qytetarëve të Lezhës u bëjmë thirrje të mos kenë frikë.

Ata që duan të mbjellin panik janë në panik nga humbja e sigurt me 14 maj, dhe atë ditë do të marrin edhe përgjigjen që meritojnë nga vota juaj," përfundon znj. Metaliaj.