Rama takim me legjendën e tenisit, njofton hapjen e Qendrës Sportive "Rafa Nadal" në Durrës

Politikë

Rama takim me legjendën e tenisit, njofton hapjen e Qendrës Sportive

Kryeministri Edi Rama ka ndarë në rrjetet sociale disa foto nga takimi me legjendën e tenisit Rafael Nadal, ku njofton lajmin e mirë se në Shqipëri do të hapet Qendra Sportive ‘Rafa Nadal’.

Kreu i qeverisë krah fotove shkruan se Qendra Sportive do të hapë dyert në Durrës për fëmijët dhe të pasionuarit e këtij sporti nga Shqipëria e rajoni, krah për krah me Akademinë e Futbollit të Manchester City-t. Kompleksi multi-sportiv do të zbatojë metodologjinë e trajnimit të Akademisë Rafa Nadal by Movistar.

Kompleksi i ri, qëllimi kryesor i të cilit është të zhvillojë dhe promovojë tenisin dhe sportin në Shqipëri, do të ritheksojë angazhimin e Rafa Nadal dhe ekipit të tij ndaj vlerave në sport dhe edukimit të fëmijëve dhe të rriturve në mbarë botën.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Qendra Sportive do të ketë 12 fusha tenisi, 6 fusha padel, një fushë multi-sportive, një palestër dhe zonë Ëellness, një pishinë dhe një zonë restoranti. Përveç kësaj, do të ketë një dyqan dhe një muze me disa nga trofetë e Rafa Nadal dhe objekte të tjera të dhuruara nga atletë të mëdhenj.

ME TE LEXUARAT