Rama e la jashtë listave të mbyllura, reagon Damian Gjiknuri: Kryeministri guxon dhe eksperimenton

Deputeti Damian Gjiknuri ka komentuar listën e deputetëve të përpiluar nga Edi Rama, nga ku është përjashtuar.

“Reforma zgjedhore parashikoi edhe listë të hapur, edhe listë të mbyllur. Damian Gjiknuri në 17 vite politikë, të gjitha fushatat i ka fituar. Për mua, rikthimi në Vlorë është një mundësi e mirë, është një qark që unë kam dhënë shumë, kam lidhje shumë të forta, m’u ndërpre jeta politike atje për shkak të delegimit në Elbasan apo si sekretar i përgjithshëm. E mirëpres dhe i uroj kandidatëve.

 Lista është e bukur se ka varietete të ndryshme.

Edi Rama guxon, eksperimenton dhe mendoj se kjo formulë mund të jetë shumë e suksesshme dhe pse jo, mund të arrijmë një rezultat më të mirë se sa herët e tjera”, tha Gjiknuri.