Hashim Thaci rikthehet në Kosovë, viziton babain në spital

Ish-presidenti i Kosovë, Hashim Thaçi sapo ka mbërritur në QKUK.

Ai ka ardhur nga Gjykata e Hagë për të vizituar babain e tij që ndodhet i shtrirë në spital.

Ai eshte pare duke ngjitur shkallet e spitalit nderkohe qe shume qytetare jane afruar aty dhe kane thirrur UCK-UCK, pas pershendetjes nga Thaci.

Thaci vitet e fundit ndodhet i paraburgosur ne Gjykaten Speciale te Hages, pas akuzave te ngritura ndaj tij.

Gjykata po e vazhdon procesin ndaj tij duke degjuar provat e prokurorise dhe deshmitaret. 

Aprovimi i kërkesës së tij u bë pas refuzimeve të mëhershme të speciales, të cilët kishin vlerësuar se gjenda shëndetësore e babit të tij nuk ishte e rëndë.

Zëdhënësi i Dhomave të Specializuara të Kosovës, Michael Doyle, në një përgjigje për RTKlive tha se vizita e Thaçit në Kosovë është bërë për arsye humanitare.

“Po mund ta konfirmoj. Për arsye detyruese humanitare, Trupi Gjykues dhe gjyqtari i procedurës paraprake kanë udhëzuar Sekretarin që të menaxhojë një vizitë paraburgimi në Kosovë për Hashim Thaçin që të jetë me babanë e tij. I akuzuari mbetet në paraburgim nga Dhomat e Specializuara”, thuhet në përgjigjen e tij.