"Provokimi" në Tropojë/ Ngriti dronin me flamurin e PD gjatë takimit të socialistëve, procedohet 28-vjeçari

Politikë

"Provokimi" në Tropojë/  Ngriti dronin me flamurin e PD

Specialistët për Hetimin e Krimeve në Komisariatin e Policisë Tropojë, proceduan në gjendje të lirë shtetasin A. G., 28 vjeç,  banues në Tropojë, për veprën penale të “Pengimit në ushtrimin  e të drejtës për tu shprehur, grumbulluar apo manifestuar”,  pasi më datë 09.04.2021, gjatë zhvillimit të aktivitetit elektoral të një subjekti politik, në qytetin e Bajram-Currit, ka ngritur një dron i cili mbante një flamur me siglën e një subjekti tjetër politik.

Materialet u referuan në Prokurorinë  Pranë Gjykatës së Shkallës së Parë Tropojë, për veprime të mëtejshme.

Ditën e djeshme, teksa aktori Petrit Malaj, kandidat për deputet të Partisë Socialiste në listën e Kukësit fliste me banorët në Tropojë, një flamur i Partisë Demokratike u valëvit me dron sipër kokave të tyre. Si duket përgjegjës për incidentin është shtetasi A.G, 28-vjeç. 

Videon e momentit të dronit me flamurin e PD-së e publikoi fillimisht ish-kryeministri, Sali Berisha i cili shkruante se "Fitorja fluturon mbi Tropoje! Magjepese". Por, më pas erdhi një reagim nga kandidati socialist, Petrit Malaj ku u shpreh se shqiponjat nuk krahasohen me sorrat./ LajmiFundit

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion