Pjesëmarrja e ulët, kreu i PS-së Vlorë mesazh: Drejtojuni kutive të votimit për të shprehur vullnetin tuaj

Kreu i PS-së së Vlorës, Klevis Kaso me anë të një videomesazhi ka inkurajuar qytetarët e Vlorës, të dalin të votojnë për kryebashkiakun e ri, teksa ka mbetur edhe pak çaste nga mbyllja e qendrave të votimit.

Në garë për bashkinë e Vlorës, nga radhët e socialistëve është ish-deputetja Brunilda Mersini.

“Qytetarë të Vlorës ka ngel edhe shumë pak çaste nga mbyllja procesit zgjedhor. Do ju lutesha që të drejtoheshit drejt kutive të votimit për të shprehur vullnetin tuaj. Vota është një drejtë legjitime dhe kjo ju takon juve për të ardhmen e Vlorës”, tha kreu i PS-së Vlorë.