Lezhë/ Marku kryeson për PD, Nikolla dhe Malotaj dalin barazim, garë në listën e PS

Në qarkun e Lezhës janë numëruar 107 qendra votimi nga 249 që janë gjithsej, për kandidatët preferencialë. Në Partinë Demokratike, kryeson Mark Marku me 3559 vota preferenciale i ndjekur nga Agron Gjekmarkaj duke marrë 1858 vota deri tani.

Në Partinë Socialiste është një gara është e fortë mes Gentjan Malotaj, i cili renditet i katërti rezulton barazim me vota preferenciale me drejtuesen e qarkut Lindita Nikolla, duke marrë nga 3251 vota secili. Më pas renditet Eduart Ndreca me 3104 vota.

Edhe pse nuk arriti të merrte asnjë mandat në qarkun e Lezhës, në listën e LSI më i votuari është i pari i saj, Viktor Tushaj duke marrë 1417 vota preferenciale deri tani.

Në Lezhë kandidonte edhe Jozefina Topalli e para në listën e Lëvizjes për Ndryshim, por edhe pse është numëruar gati gjysma e qendrave të votimit, ajo ka mundur të sigurojë vetëm 34 vota.