KQZ: 144 qendra identifikojnë në mënyrë manuale, problemet e raportuara nuk përbëjnë rrezik për procesin

Në një deklaratë për mediat, ka dalë kreu i KQZ, Ilirjan Celibashi, i cili ka bërë me dije se në 144 qendra votimi, identifikimi po bëhet në mënyrë manual. Në 84 prej tyre, sipas Celibashit shkak është bërë mungesa e operatorëve.

Në fjalë e tij, ka pasur raste sporadike të pezullimit të votimit. Ai thekson se problemet janë hasur edhe në pjesën teknike të pajisjeve, por që sipas tij, këto probleme nuk e vënë në rrezik procesin e votimit.

Gjithashtu, Celibashi tha se është raportuar një grumbullim njerëzish në një qendër votimi, duke u bërë apel të gjithëve, që, nëse kanë votuar, duhet të largohen nga qendra e votimit. Ligji nuk e lejon këtë veprim.