E përjashtoi nga partia që themeloi, Berisha sulmon Bashën: Shkelmoi PD-në, vendim jashtë normave

Ish-kryeministri Sali Berisha njëkohësisht lider historik i PD-së ka komentuar vendimin e kryedemokratit Lulzim Basha për ta përjashtuar nga partia që vetë themeloi.

Në një intervistë për Syri Tv, Berisha tha se Basha shkelmoi PD dhe se vendimi i marrë prej tij ka qenë jashtë çdo norme.

"Vendimi i Bashës është jashtë çdo norme. Ka qenë presion nga Rama. Ka shpallur një vendim personal. Pas këtij vendimi e kam deklaruar, do bëj gjithçka për të vendosur sovranitetin e Partisë.

Ai ka vendosur të shkelë çdo lloj rregulli dhe parimi. PD ka dorëzuar për shkak të lobimit të Ramës dhe George Sorosit sovranitetin e saj. Berisha ka ndjekur vetëm një qëllim kam ndjekur rrugën gjyqësore. Ia kam bërë të qartë kryetarit se nuk dua ndihmën e tij."-u shpreh Berisha.

Me Lulzim Bashën, Berisha tha se “Kam komunikuar dhe i kam thënë këto që u kam thënë juve”. Por a ishte në dijeni të përjashtimit? “Unë e dija që ishte në presione, por nuk mendoja që duke mos respektuar asnjë rregull shpallte një vendim të tillë personal”.