Betohen deputetët e rinj të Kuvendit të Shqipërisë, mes tyre edhe Sali Berisha

Ka nisur seanca plenare e Kuvendit të ri për këtë legjislacion që pritet të udhëhiqet nga fituesi i zgjedhjeve, kryeministri Edi Rama.

Në Kuvend, i cili gjatë ditës së sotme është drejtuar nga deputetja më e moshuar e këtij legjislacioni të ri, Luljeta Bozo, po bëhet betimi i deputetëve të rinj të cilët vijnë si nga lista e majtë ashtu edhe nga ajo e djathtë.

Mes tyre është betuar edhe ish-kryeministri Sali Berisha, i cili një ditë më parë u përjashtuar nga PD.

Në 25 prill, Partia Socialiste ka marrë 74 mandate, PD-AN 59 mandate, LSI 4 mandate dhe PSD 3 mandate. Opozita ka kërkuar që këto zgjedhje të shpallen të pavlefshme dhe ripërsëritjen e tyre, por Kolegji Zgjedhor hodhi poshtë pretendimet e tyre. Tanimë lista e 140 deputetëve që do të hyjnë në parlamentin e ardhshëm është e plotë, me emra të rinj dhe të vjetër.