PD e përçarë pas përjashtimit të Berishës, Basha mbledh në seli grupin parlamentar

Kreu i Partisë Demokratike, Lulzim Basha ka mbledhur grupin Parlamentar të Partisë Demokratike brenda selisë blu.
Kjo mbledhje mbahet para nisjes së seancës së dytë parlamentare për këtë të premte.

Në seancën e dytë të Kuvendit pritet të votohet për zgjedhjen e kryetares së Kuvendit.

Partia Demokratike ndodhet në një situatë të trazuar, pas vendimit të Bashës për të përjashtuar Berishën nga PD. Disa deputetë të PD janë rreshtuar krah Berishës, ndërsa të tjerë kanë përkrahur vendimin e Bashës duke sjellë përçarje në parti.