I sëmurë me Covid, mësuesi grek ndërron jetë një ditë pasi varrosi prindërit

Një tragjedi e vërtetë ka ndodhur në Larisa të Greqisë, ku një mësues 51-vjeçar i infektuar me koronavirus, vdiq një ditë pas funeralit të prindërve të tij gjithashtu me profesion mësues të cilët ndërruan jetë për të njëjtin shkak.

Raportohet se të tre viktimat nuk ishin të vaksinuar. 51-vjeçari Charalambos Stergioulis, filolog u shtrua për ditë të tëra në Spitalin Universitar të Larissas.

Të Mërkurën, prindërit e tij, Vassilis , 83 vjeç dhe Eudoxia , 78 , vdiqën nga komplikimet e koronavirusit. Funerali i tyre u bë dje, ndërsa tashmë dihej se gjendja e 51-vjeçarit Charalambos Stergioulis ishte kritike. Ndërsa një ditë më pas ndërroi jetë edhe ai vetë.