Berisha njofton zgjedhjet për kreun e PD: Do kandidoj sërish në 2026! Gara do të jetë e hapur

Kreu i PD-së, Sali Berisha, ka konfirmuar se do të rikandiojë sërish për të qenë në krye të kësaj force politike në zgjedhjet e 2026.

 Në një bashkëbisedim me gazetarët, lideri demokrat përsëriti se zgjedhjet ishin një farsë dhe statuti i PD-së, sipas tij bën fjalë për zgjedhje, e jo për farsa. 

“Sigurisht pyetje është kjo”, deklaroi Berisha, teksa shtoi se gara mes kandidatëve do të jetë e hapur.

Kryedemokrati theksoi se do të jetë anëtarësia e PD-së që do të bëjë interpretimin përfundimtar.

Berisha komentoi edhe Reformën Territoriale e Zgjedhor, duke u shprehur se PD ende nuk ka një ekip të mandatuar.

Berisha: Do jetë anëtarësia e PD ajo që do i bëjë interpretimin përfundimtar do të ketë garë për kreun e PD, e hapur ama.

Do kandidoni sërish në 2026?

Berisha: Sigurisht që do jem, pyetje është kjo. Por e hapur ama, cilido.

Kë ka mandatuar PD për të qenë në krye të Reformës Territoriale dhe Zgjedhore?

Berisha: Akoma nuk kemi, do të mandatohen. Po bëhen diskutime paraprake në Komisionin e Ligjeve, natyrisht po shqyrtohen rrethanat kriteret e me radhë.

S’ka akoma një ekip të mandatuar nga ne. Sapo të qartësohet çfarë platforme do të zbatohet në punën e këtyre Komisioneve, do të marrim vendimet.