8 Marsi/ Berisha: Kontributi i grave në luftën kundër diktaturës ka qenë përcaktues

Ish-kryeministri Sali Berisha me rastin e 8 Marsit, Ditës së Gruas, ka vlerësuar kontributin e tyre të jashtëzakonshëm që kanë dhënë për familjen dhe kombin shqiptar.

Lideri i demokratëve ka theksuar se kontributi i tyre në luftën kundër diktaturës ka qenë përcaktues, vendimtar, guximi, përkushtimi i tyre ishte përcaktues për çlirimin e Shqipërisë.

“Me asgjë nuk mund të shpërblehet ai vlerësim që nënat dhe motrat, gratë meritojnë.

Ato janë së bashku me forcën hyjnore, krijuesit e mrekullisë më të madhe të shoqërisë njerëzore, familjes, vatrës familjare.

Por nga ana tjetër në mënyrë të padrejtë ato u shpërblyen me murin e patriarkisë, me sundimin e patriarkialitetin, mur i cili në shekuj dhe mijëvjeçar ishte dhunuesi më absolut i të drejtave të njeriut.

Mur i cili edhe sot është gjenerator dhunë dhe padrejtësie ndaj tyre.

Është kudo në botë, por në Shqipëri është ndër më të egrit, më të rëndë se kudo tjetër.

Kontributi i nënave, motrave, vajzave dhe grave në shoqëri është i paçmueshëm në të gjitha aspektet dhe megjithatë ato janë të diskriminuara.

Kontributi i tyre në luftën kundër diktaturës ka qenë përcaktues, vendimtar, guximi, përkushtimi i tyre ishte përcaktues për çlirimin e Shqipërisë”, u shpreh ai.