15 vite nga 21 Janari, Veliaj: Një nga ditët më të errëta, gjaku i të pafajshmëve thërret më fort se kurrë për drejtësi

Kryebashkiaku i Tiranës, Erion Veliaj, ka reaguar në rrjetet sociale me një postim ku kujton 21 Janarin.

Veliaj e cilëson këtë ditë, si një nga ditët më të errëta përgjaku kryeqytetin dhe bën thirrje për drejtësi.

Postimi i Veliajt:

21 Janar. Sot përulem me respekt para kujtimit të 4 qytetarëve që humbën jetën m’u në zemër të Tiranës – 15 vjet më parë – në një nga ditët më të errëta, që përgjaku kryeqytetin tonë, shtëpinë e të gjithë shqiptarëve.

Plaga e dhimbjes së familjeve mbetet ende e hapur. Gjaku i të pafajshmëve thërret më fort se kurrë për drejtësi.

Nuk ju harroj!