Masa dhe ndëshkime në Berat / Teknologjia e re zbulon qindra shkelës në rrugë

Aktualitet

Masa dhe ndëshkime në Berat / Teknologjia e re zbulon qindra

Vijojnë kontrollet intensive të Policisë Rrugore të Beratit përmes teknologjisë së fundit, si dronët dhe radarët inteligjentë. Vetëm gjatë javës së fundit, bilanci i shkeljeve të konstatuara në rrugët e qarkut ka shënuar shifra të larta, ku në qendër të masave mbetet lufta kundër drejtimit të mjetit nën efektin e alkoolit dhe shpejtësisë tej normave të lejuara.

BERAT – Policia Rrugore e Beratit ka zhvilluar një monitorim intensiv gjatë javës së fundit në të gjitha akset rrugore të qarkut, duke përdorur dronë, radarë dhe makina inteligjente, me qëllim parandalimin e aksidenteve dhe menaxhimin e trafikut.

Në fokus të veçantë të efektivëve kanë qenë rastet e drejtimit të mjetit nën efektin e alkoolit, të cilat përbëjnë një nga shkaqet kryesore të ngjarjeve rrugore me pasoja të rënda.

Si rezultat i kontrolleve të shtuara gjatë javës së fundit, janë proceduar penalisht 3 shtetas:

1 drejtues mjeti është arrestuar në flagrancë për drejtim automjeti nën efektin e alkoolit;

2 shtetas janë proceduar në gjendje të lirë për drejtim mjeti pa leje drejtimi.

Gjithashtu, gjatë kësaj periudhe, shërbimet e Policisë Rrugore kanë ndëshkuar administrativisht me masa financiare një numër të madh drejtuesish për shkelje të ndryshme të Kodit Rrugor:

130 drejtues për ndalim ose pushim të automjetit në kundërshtim me sinjalistikën rrugore;

102 drejtues për parakalime të gabuara;

70 drejtues për qarkullim me shpejtësi tej normave të lejuara;

93 drejtues për mosvendosje të rripit të sigurimit;

30 drejtues motomjetesh për mosvendosje të kaskës mbrojtëse;

2 drejtues për drejtim mjeti nën efektin e alkoolit;

120 drejtues për shkelje të tjera të Kodit Rrugor.

Policia Rrugore e Beratit njofton se kontrollet do të vijojnë pa ndërprerje në të gjitha akset e qarkut dhe apelon për të gjithë drejtuesit e mjeteve që të respektojnë me rigorozitet rregullat e qarkullimit, duke kontribuar drejtpërdrejt në sigurinë rrugore dhe shmangien e tragjedive në rrugë.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion