Lajmi i fundit : Real Madridi shkarkon Ancelottin

Real Madrid ka njoftuar një konferencë për shtyp, ku pritet që presidenti i klubit Florentino Perez të publikojë shkarkimin e trajnerit Carlo Ancelotti. Lajmi u be me dije nga Goal.com.

Tekniku italian udhëhoqi Los Blancos vitin e kaluar në triumfin e dyfishtë të spanjollëve, atë në Ligën e Kampionëve dhe Kupën e Mbretit, duke vendosur edhe një rekord prej 22 fitoreve radhazi.

Tek Reali, Ancelotti fitoi edhe Kupën e Botës për klube por forma e dobët e skuadres në pjesen e dyte te sezonit të La Ligas dhe fakti se skuadra mbeti pa asnjë titull këtë vit ka mjaftuar që ditët e ish trajnerit të Milanit të përfundojnë në Madrid.

DEKLARATA:

“Sikur mund ta imagjinoni, ka qenë një vendim tejet i vështirë për ne. Por, ne nuk marrim vendime të shpejta”, u shpreh Perez.

“Carlo mbetet në histori të klubit pasi ai na solli ‘la deciman’. Por, na duhet një gjallëri e re në skuadër, për të fituar tituj të re. Kemi një ekip të mirë dhe të talentuar dhe me punë mund të sjellim suksese të reja”, shtoi presidenti i klubit mbretëror.