Ҫfarë ndodhi? Aksident masiv në Bullgari, përplasen rreth 50 automjete, ka vik'tima

Të paktën 10 persona humbën jetën në një aksident trafiku ku u përfshinë dhjetëra automjete në të dyja anët e një autostrade me mjegull në Bullgarinë juglindore.

Policia, zjarrfikësit dhe ekipet e ambulancës nxituan në vendngjarje, ku imazhet në mediat lokale treguan makina dhe kamionë të grumbulluar në të dyja anët e rrugës, shumë prej të cilëve të përmbysur, të shtypur ose të dalë nga rruga.

Guvernatori rajonal i Jambolit, Georgi Chalakov njoftoi të paktën 10 persona u vranë dhe rreth 50 automjete u përfshinë.

Kryeinspektori Todor Mishinev nga Drejtoria Rajonale e Jambolit e Ministrisë së Punëve të Brendshme i tha Nova TV se disa njerëz ishin ende të bllokuar në makinat e tyre.

“Tani për tani, përparësia janë operacionet e shpëtimit. Sapo ato të përfundojnë, do të kryhen veprimet procedurale dhe hetimore”, tha ai.

Rreth 27 persona të plagosur u dërguan në spitalet rajonale.