Vrau 1 person dhe plagosi 4 të tjerë, siriani në Gjermani dënohet me burgim të përjetshëm

Një 27-vjeçar nga Siria është dënuar me burgim të përjetshëm nga drejtësia gjermane, pasi 8 muaj më parë vrau një person dhe plagosi 4 të tjerë në Duisburg. Mediat e huaja shkruajnë se prokuroria kishte kërkuar dënim të përjetshme dhe gjyqtarët ishin dakord me këtë propozim.

27-vjeçari, Maan D. mbërriti në Gjermani në vitin 2015 si refugjat dhe u radikalizua përmes internetit, duke adoptuar ideologjinë e Shtetit Islamik.

“Ai i konsideronte të pafe të gjithë ata që nuk ndanin ideologjinë e tij. Ai ishte i vendosur, pa pasur ndonjë lidhje të drejtpërdrejtë me IS-in apo ndonjë organizatë tjetër terroriste, të vriste gjermanët, të cilët ai i zgjidhte rastësisht, sepse besonte se mënyra e tyre perëndimore e jetesës ishte provë e mjaftueshme për ‘pabesinë” e tyre’”, thuhet në deklaratën e gjykatës gjermane.