Vila 60 milionë dollarëshe e Erdogan po trazon opinionin publik në Turqi (Foto)

Shtëpia e presidentit turk, Erdogan ka shumë luks. Mediat turke shkruajnë se ndërtesa ka 300 dhoma me rreth 90 mijë metra katrorë.

Mësohet se shtëpia e tij është e kompletuar me një pishinë, park dhe plazh me dalje private në det. Kjo vilë kushton 60 milionë euro dhepo ngjall kritika të forta në opinionin publik.

Pamjet e “Pallatit të Verës”, siç u riemërua duke evokuar të ashtuquajturin “Pallati i Bardhë” që kreu i shtetit kishte ndërtuar në kryeqytetin Ankara, u shpërndanë nga gazeta laike e opozitës Sozcu.

Në pamjet e marra nga ajri të vendbanimit, të përfunduara në 2019, shihet edhe një pistë helikopterësh.

 Vala e indinjatës ishte shumë e fortë, për arsye të ndryshme, së pari për koston e tepërt në një periudhë të vështirësisë ekonomike dhe zhvlerësimin e lirës turke për shkak të pandemisë, por edhe për shpyllëzimet masive të zonës së nevojshme për zgjerimin e ndërtesës, në vendin ku tashmë ishte vendosur rezidenca verore e ish-presidentit Turgut Özal.