Tronditet Haiti! Vritet në shtëpi presidenti i vendit, përfundon në spital bashkëshortja e tij

Është vrarë në shtëpinë e tij presidenti i Haitit, Jovenel Moise. Lajmin e rëndë e bënë me dije mediat ndërkombëtare, teksa tregojnë se një grup individësh të paidentifikuar sulmuan rezidencën private të presidentit.

Ndërkohë që Zonja e parë Martine Marie Etienne Joseph Moise thuhet se është në spital. Vendi i varfër i Karaibeve është përballur me paqëndrueshmëri politike në muajt e fundit që ka sjellë një shpërthim protestash të dhunshme, rrëmbimesh dhe krim të organizuar.

Partitë kryesore opozitare të vendit, gjyqësori dhe grupet aktiviste thanë se mandati pesëvjeçar i z. Moise si president përfundoi në shkurt.