VIDEO/ S*lmi në shkollën Hebraike në Amsterdam, publikohen fotot e dy autorëve të dyshuar

Policia holandeze publikoi të hënën fotot e dy të dyshuarve për bombardimin e një shkolle hebraike në Amsterdam, duke i kërkuar publikut të ndajë çdo informacion që ka rreth tyre me autoritetet.

Prokurorët e Roterdamit thanë se besonin se të dyshuarit në një sulm tjetër ndaj një sinagoge në qytet kishin “motive terroriste”.

Autoritetet po kryejnë hetime për të përcaktuar nëse sulmet e ditëve të fundit, në sfondin e luftës në Lindjen e Mesme, janë të lidhura.

Në imazhet e publikuara nga policia e Amsterdamit, nga kamerat e sigurisë, dy persona në një motoçikletë, të veshur me të zeza, mund të shihen pranë shkollës hebraike që u shënjestrua natën e së shtunës ndaj së dielës.

“Atë natë, rreth orës 03:45 të mëngjesit, dy të dyshuar mbërritën me një skuter. Ata dolën nga automjeti i tyre dhe vendosën pajisjen shpërthyese në murin e jashtëm të shkollës. Pastaj hipën në skuter dhe ikën me vrap”, përshkroi policia. “Ata po përpiqen të frikësojnë komunitetin hebraik në Holandë dhe kjo është pjesë e një konteksti më të gjerë të antisemitizmit në rritje” në vend, tha kryeministri Rob Yellen, në një diskutim që pati me përfaqësuesit e komunitetit hebraik. 

Edhe pse askush nuk u lëndua dhe dëmi ishte i kufizuar, autoritetet janë të shqetësuara sepse sulme të ngjashme kanë ndodhur në Belgjikë dhe Holandë ditët e fundit. Të hënën e kaluar, një shpërthim ndodhi në një sinagogë në Liege. Kjo u pasua të premten nga një tjetër shpërthim jashtë një sinagoge në Roterdam. Në të dyja rastet, nuk pati të lënduar. Katër të rinj të moshës 17-19 vjeç, që besohet se janë përfshirë në sulmin në Roterdam, u sollën sot para një prokurori dhe u lanë në paraburgim për 14 ditë. Në Belgjikë, hetimi i është caktuar zyrës së prokurorit federal, e cila është përgjegjëse për rastet e terrorizmit.