Shpërthim i fortë, rebelët Houthi sulmojnë anijen greke në Detin e Kuq

Publikohen pamjet e momentit kur rebelët Houthi sulmojnë me lëndë shpërthyese anijen greke Tutor në Detin e Kuq.

Një detar nga Filipinet raportohet se është vrarë nga një shpërthim i shkaktuar nga një dron i ngarkuar me eksploziv.

Ekuipazhi u detyrua të braktisë anijen, e cila u mbyt.

Pamjet, të marra në distancë tregojnë shpërthimin që ndodhi pranë vendit ku qëndron pjesa e ekuipazhit dhe dhoma e motorit.

Menjëherë ngrihet një re tymi, ndërsa pak më pas pason një shpërthim i dytë dhe më i fortë me një “top” zjarri në anije.

Anija greke me flamur liberian u mbyt të martën në ujërat e Hodeidah në Detin e Kuq të Jemenit.

22 anëtarët e ekuipazhit, të gjithë shtetas filipinas, u transportuan nga anija luftarake USS PhilippineSea, ndërsa një nga anëtarët e ekuipazhit të anijes humbi jetën.