Bie në pusin e ujit që po pastronte, humb jetën 68-vjecari në Durrës

Ngjarje e rëndë ka ndodhur në Hamallaj të Durrësit mbremjen e djeshme.

Policia tha se një 66-vjeçar gjatë tentativës për të pastruar pusin e ujit në banesë dyshohet se ka rrëshqitur aksidentalisht dhe për pasojë ka humbur jetën.

“Rreth orës 20:15, në Hamallaj, Durrës, shtetasi O. P., 66 vjeç, duke pastruar pusin e ujit në banesën e tij, dyshohet se aksidentalisht ka rrëshkitur dhe ka rënë në brendësi të pusit dhe për pasojë ka humbur jetën”, njofton policia.

Grupi hetimor nën drejtimin e Prokurorisë ndodhet në vendngjarje dhe po punon për sqarimin e rrethanave të ngjarjes.