Po përpiqeshin të prishin paqen, Turqia neutralizon 6 terroristë në Siri

Ministria turke e Mbrojtjes Kombëtare ka njoftuar se forcat e sigurisë turke neutralizuan gjashtë terroristë YPG/PKK në Sirinë veriore. Autoritetet turke përdorin termin “neutralizim” për të nënkuptuar se terroristët në fjalë janë dorëzuar, vrarë ose kapur.

Terroristët u përpoqën të prishin paqen dhe sigurinë në zonën e operacionit “Burimi i Paqes”, njoftoi ministria. Që nga viti 2016, Turqia nisi disa operacione të suksesshme antiterroriste përgjatë kufirit me Sirinë, ndërsa synimi është parandalimi i formimit të korridorit terrorist me qëllim të mundësimit të mjedisit të sigurt për kthimin e banorëve.

Bëhet fjalë për operacionet “Mburoja e Eufratit” (2016), “Dega e Ullirit” (2018) dhe “Burimi i Paqes” (2019). Gjatë fushatës terroriste mbi 30-vjeçare kundër Turqisë, PKK, e cila është shpallur organizatë terroriste në Turqi, SHBA dhe BE, është përgjegjëse për vdekjen e rreth 40 mijë personave, në mesin e të cilëve gra, fëmijë dhe foshnja. YPG është degë siriane e PKK-së./AA